ಸ್ಯಾನ್ ಫ್ರಾನ್ಸಿಸ್ಕೋ: ಕೃತಕ ಬುದ್ಧಿಮತ್ತೆ (AI) ಕಂಪನಿಯ ನೀತಿಗಳ ಬಗ್ಗೆ ಕಳವಳ ವ್ಯಕ್ತಪಡಿಸಿದ್ದ ಮಾಜಿ ಓಪನ್‌ಎಐ ಸಂಶೋಧಕ ಮತ್ತು ವಿಸ್ಲ್‌ಬ್ಲೋವರ್ ಸುಚಿರ್ ಬಾಲಾಜಿ (26) ಸ್ಯಾನ್ ಫ್ರಾನ್ಸಿಸ್ಕೋದಲ್ಲಿನ ಅವರ ನಿವಾಸದಲ್ಲಿ ಶವವಾಗಿ ಪತ್ತೆಯಾಗಿದ್ದಾರೆ .
OpenAI ವಿರುದ್ಧದ ಕಾನೂನು ಪ್ರಕ್ರಿಯೆಗಳಲ್ಲಿ ಅವರ ಪಾತ್ರ ಮತ್ತು ಜ್ಞಾನವನ್ನು ನಿರ್ಣಾಯಕವೆಂದು ಪರಿಗಣಿಸಲಾಗಿದೆ. ChatGPT ಅಭಿವೃದ್ಧಿಯಲ್ಲಿ OpenAI ಹಕ್ಕುಸ್ವಾಮ್ಯ ಕಾನೂನನ್ನು ಉಲ್ಲಂಘಿಸಿದೆ ಎಂದು ಬಾಲಾಜಿ ಸಾವಿಗೂ 3 ತಿಂಗಳ ಮೊದಲು ಸಾರ್ವಜನಿಕವಾಗಿ ಹೇಳಿಕೊಂಡಿದ್ದರು.
ಕಂಪನಿಯು ತನ್ನ ಕಾರ್ಯಕ್ರಮವನ್ನು ತರಬೇತಿ ಮಾಡಲು ತಮ್ಮ ಹಕ್ಕುಸ್ವಾಮ್ಯ ವಿಷಯವನ್ನು ಕಾನೂನುಬಾಹಿರವಾಗಿ ಬಳಸಿಕೊಂಡಿದೆ ಎಂದು ಸುಚಿರ್ ಆರೋಪಿಸಿದರು, ಇದರಿಂದಾಗಿ ಅದರ ಮೌಲ್ಯವನ್ನು $150 ಬಿಲಿಯನ್‌ಗೆ ಹೆಚ್ಚಿಸಿತು. ಅಕ್ಟೋಬರ್ 23 ರಂದು ನ್ಯೂಯಾರ್ಕ್ ಟೈಮ್ಸ್‌ನಲ್ಲಿ ಪ್ರಕಟವಾದ ಸಂದರ್ಶನವೊಂದರಲ್ಲಿ ಬಾಲಾಜಿ ಅವರು ಚಾಟ್‌ಜಿಪಿಟಿಗೆ ತರಬೇತಿ ನೀಡಲು ಮಾಹಿತಿಯನ್ನು ಬಳಸುತ್ತಿರುವ ವ್ಯಾಪಾರಗಳು ಮತ್ತು ಉದ್ಯಮಿಗಳ ಮೇಲೆ ಋಣಾತ್ಮಕ ಪರಿಣಾಮ ಬೀರುತ್ತಿದೆ ಎಂದು ಹೇಳಿದ್ದಾರೆ.
ನವೆಂಬರ್ 26 ರಂದು ಅವರ ಬುಕಾನನ್ ಸ್ಟ್ರೀಟ್ ಫ್ಲಾಟ್‌ನಲ್ಲಿ ಸಾವನ್ನಪ್ಪಿದ್ದಾರೆ ಎಂದು ಸ್ಯಾನ್ ಫ್ರಾನ್ಸಿಸ್ಕೋ ಪೊಲೀಸರು ತಿಳಿಸಿದ್ದಾರೆ. ಅವನ ಸ್ನೇಹಿತರು ಅವನ ಯೋಗಕ್ಷೇಮದ ಬಗ್ಗೆ ಕಳವಳ ವ್ಯಕ್ತಪಡಿಸಿದರು.
ಪೊಲೀಸರು ಅವನ ಅಪಾರ್ಟ್ಮೆಂಟ್ ಭೇಟಿ ನೀಡಿ ಸುಚಿರ್ ಮೃತಪಟ್ಟಿರುವುದು ದೃಢ ಪಡಿಸಿದರು, ವೈದ್ಯಕೀಯ ತಂಡ ಬಾಲಾಜಿಯ ಸಾವಿಗೆ ಕಾರಣವನ್ನು ಇನ್ನೂ ಬಹಿರಂಗಪಡಿಸಿಲ್ಲ.
