ದೆಹಲಿ : ಮಲಾವಿಯಲ್ಲಿ ಸಂಭವಿಸಿದ ಭೀಕರ ವಿಮಾನ ಅಪಘಾತದಲ್ಲಿ ಉಪಾಧ್ಯಕ್ಷ ಸೌಲೋಸ್ ಚಿಲಿಮಾ ಮತ್ತು ಇತರ ಒಂಬತ್ತು ಮಂದಿ ಸಾವಿಗೀಡಾಗಿದ್ದಾರೆ.
ಪ್ರಸೋಮವಾರ ಬೆಳಿಗ್ಗೆ ಲಿಲೋಂಗ್ವೆಯಿಂದ ಮ್ಜುಜುಗೆ (Mzuzu) ತೆರಳುತ್ತಿದ್ದ ಮಿಲಿಟರಿ ವಿಮಾನವು ರಾಡಾರ್ನಿಂದ ಕಣ್ಮರೆಯಾಯಿತು. ಒಂದು ದಿನದ ಶೋಧ ಕಾರ್ಯಾಚರಣೆ ವೇಳೆ ಉತ್ತರದ ಪರ್ವತ ಪ್ರದೇಶದಲ್ಲಿ ವಿಮಾನದ ಅವಶೇಷಗಳು ಪತ್ತೆ ಆಗಿದ್ದು, ಆ ವಿಮಾನ ಅಪಘಾತದಲ್ಲಿ ಯಾರೂ ಬದುಕುಳಿದಿಲ್ಲ.
ಸಣ್ಣ ಡೋರ್ನಿಯರ್ 228 ಮಾದರಿಯ ವಿಮಾನದಲ್ಲಿ ಏಳು ಪ್ರಯಾಣಿಕರು ಮತ್ತು ಮೂವರು ಸಿಬ್ಬಂದಿಗಳಿದ್ದರು. ಪ್ರಯಾಣಿಕರಲ್ಲಿ ಮಾಜಿ ಪ್ರಥಮ ಮಹಿಳೆಯೂ ಇದ್ದರು.
